roulée دجاج بالـبروكلو

زوز طروف اسكالوب مشرحين
راس بروكلو
زوز سنات ثوم مهرسين
مغرفة صغيرة تابل
مغرفة صغيرة نعناع شايح
مغرفة ملح صغيرة
مغرفة صغيرة فلفل أحمر
مغرفة كبيرة زيت زيتونة
شوية فلفل أكحل
شوية قارص
100 غ جبن مرحي
زوز طوابع جبن
طريقة التحضير:
اصمت البروكلو في ماء سخون مع ملح و سنّة ثوم لمدة 55 دقايق تقريبا. شلّل البروكلو بماء بارد و خليه يستقطر و فوّحو بالملح و الفلفل الأكحل و القارص و الثوم.
قص الجبن و وزعو على شرايح الاسكالوب. ارفس البروكلو و افرشو زادا على الاسكالوب و زيد عليه جبن مرحي. لف الاسكالوب و اكبسوا بالـ cure-dents . صب مغرفة زيت في القلاية و قي الاسكالوب لين يولي لونو ذهبي . من بعد حطو في طبق في الفور لمدة نصف ساعة في درجة حرارة معتدلة.
استناه يبرد و من بعد قصو طروف طروف. و كول و صحة بالشفاء.