Pizza Couverte

المكونات:

للعجينة : 1 كغ فارينة + باكو خميرة خبز + مغرفة و نصف صغيرة ملح + 7 مغارف كبار زيت + ماء دافي حسب الحاجة
للـ sauce : نستحقو 300غ شامبينيون + شوية زيت + شوية فارينة + شوية معدنوش
زيتون + كبّار + اسكالوب + جبن موزاريلا + روندالات طماطم
طريقة التحضير:

بالنسبة للعجينة: نخلطو الفارينة و الملح و الزيت في صحفة كبيرة و غارقة و نعملو حفرة صغيرة في الوسط نصبو فيها الخميرة و الماء الدافي و نبداو نعجنو و نبداو نزيدو الماء بالشوية بالشوية حتى لين تولي عندنا عجينة شادة روحها و نخليوها ترتاح نصف ساعة.
بالنسبة للـ sauce : نخلطو المكونات الكل (300غ شامبينيون + شوية زيت + شوية فارينة + شوية معدنوش) و نطيبوهم على الغاز لين تولي عندنا كريمة.
نخليو توة الفور يسخن عىلى 200 درجة و نقسمو العجينة متاعنا على 2 بطريقة متساوية.ـ
نطرحو كل طرف وحدو بالقلقال و نصبو sauce الشامبينوين على العجينة الأولى و نزيدو عليها شوية اسكالوب مفوّح بالأفاحات اللي نحبوها و يكون مقلّي على الغاز بشوية زبدة.
نزيدو من فوق شوية موزاريلا مرحية، و زيتون و كبار.
نحطو العجينة الثانية من فوق و اللي باش تغطي العجينة الأولى و نسكرو الأجناب زادا.
ندهنو العجنة من فوق بشوية حليب و أصفر عظم باش نتحصلو على اللون الذهبي المزيان.
نخليوها في الفور تقريب ثلث ساعة و نتفقدوها لين تطيب.
و صحة و بالشفاء