soufflé بالتن و الجبن

للعجينة: 450غ فارينة مغربلة + 250 مل حليب دافي (كاس كبير) + مغرفة كبيرة خميرة خبز + 6 مغارف كبار زيت زيتونة + مغرفة كبيرة سكر + نصف مغرفة كبيرة ملح
طريقة تحضير العجينة : في صحفة غارقة نحطو كاس الحليب و السكر و نحركو السكر لين يذوب و نزيدو الخميرة و الزيت و نصف كمية الفارينة المغرفة و اللي نزيدوها بالشوية بالشوية. نغطيو الخليط و نخليوه يرتاح درجين و من بعد نزيدو باقي الفارينة مع الملح و نعجنو مليح لين تولي عندنا عحينة شادة روحها. نقسمو العجنة لكورات صغار و قبل ما نخدموها نفرشو تحتها فارينة و نرشو فوقها الفارينة و نخليوهم يرتاحوا.
للحشو: 4 عظمات طايبين و مقصوصين + حكة تن + فلفل بر عبيد مقصوص جويد + جبن مبشور + جبن طوابع + زيتون + كبّار + معدنوس مقصوص جويد + هريسة.
طريقة التحضير: ناخذو بالكعبورة بالكعبورة و نحلوهم بالقلقال لين تولي عندنا دايرة، نحطو في وسطها الحشو في نصف الدايرة فقط و النصف الآخر نغطيو بيه الحشو و نسكروها و ننزلو عليها بالفرشيطة على الأجناب.
نخلطو شوية خليب مع أصفر عظمة و ندهنو كعبات السوفلاي قبل ما نحطوهم في الفور اللي خليناه يسخن على 180 درجة و نحطوهم يطيبوا لمدة 10 دقايق.
و صحة و بالشفاء