Tarte Farcie

المكونات :
250 غ فارينا مغربلة
مغرفة صغيرة زبدة
مغرفة صغيرة سكر
مغرفة صغيرة خميرة خبز
شوية ملح
كاس و نصف حليب دافي
طريقة تحضير العجنة :
في صحفة غارقة نصبوا الفارينة و السكر مع شوية ملح و خميرة الخبز و الزبدة
ندخل المكونات بالقدى في بعضهم بيدي و من بعد نزيد الحليب و نعجن . نغطي العجينة و نخليها تخمر نصف ساعة .
تو نحضر الحشو متاعي و نستحق فلفل أخضر و فلفل أحمر مقطع جويد و شوية قرع مقصوص جويد و شوية هريسة و بصلة مقصوصة جويدة و الافاحات فلفل أحمر فلفل أكحل و ملح و شوية fruit de mer و الا لحم مفروم .
نحطوا القلايا على الغاز و نصبوا شوية زيت و نقليوا البصل وحده من بعد نزيدوا الفلفل المقصوص و القرع و نفوحوه . نزيدوا fruit de mer و اللحم المفروم كيف يطيب نقصو على القاز ونستناوه لين يبرد.
نقسم العجنة متاعي على زوز ولازم يكون شطر اكبر من شطر.
ندهن القلاية متاعي بالزبدة و نحل في وصتها الشطر الأصغر و نحط فيه الحشو و من بعد نحل الشطر لاخر بالقدى و نغلف بيه الشطر الأول و ندور على الأجناب و نقصهم .
انقبها بالفرشيطة و نطيبها على نار هادية و نقلبها كل شوية حتى اطيب .
و هك تولي عنا Tarte بنينة و من غير فور
و صحة و بالشفاء