• Music
  • مع
replay 02:25
فطاير

المكونات:
رطل فارينة مغربلة
باكو خميرة خبز
مغرفة صغيرة خميرة قاطو
رشة صغيرة ملح
200مل ماء دافي
أبيض عظمة
شوية سكر
طريقة التحضير:
نخلطوا خميرة الخبز بشوية سكر ونصبو عليها شوية ماء دافي ونخليوها تخمر درج.
في صحفة غارقة نصبوا الفارينة مع رشة ملح ونعملو حفرة صغيرة في الوسط ونصبو فيها ابيض العظمة والخميرة اللي خلطناها وحدها ونزيدو خميرة القاطو ونزيدو الماء الدافي بالشوية بالشوية ونعجنو مليح تقريبا لمدة ربع ساعة حتى تولي عنا عجينة طرية وماهياش يابسة. نصبو عليها شوية نيت زيتونة ونلموها بيدينا ونغطيوها ونخليوها ترتاح ساعة كاملة والا حتى اكثرانجمو نخمروها من الليل.
نسخنو الزيت على النار مليح ولازم يكون الماعون اللي نقليو فيه الفطاير غارق ومعبي بالزيت.
نبل يدي بالماء ونحل العجينة بيديا ونرميها في الزيت السخون وكيف تحمار نقلبها وكيف اطيب نستقطرها ونهبطها واللي يحب ينجم يطيبلها شوية عسل ويغطسها في وسطو.
طريقة تحضير العسل:
نحطو شطر كاس ماء وكاس سكر على النار ونحركو حتى لين يخثار ونزيدو عليه عصرة قارص وكيف يغلي نقص عليه النار.
وتولي عنا فطاير كلها عسل يتطاير
وصحة وبالشفاء