العياري للحامدي: "كنت ستفشلين في كل الحالات لكن كان بإمكانك الفشل أفضل من هكذا"

و كتب أيضا "ماكانتش بش تنجح في الحالات الكل، لكن كانت تنجم ما تفشلش هكة! بهذه الطريقة!"

وقال " السيدة المديرة العامة، حولت المؤسسة إلى براندينغ لذاتها! صفحة الشركة ولات أنستغرام لشخصها! مع .. المبالغة السخيفة في كل شيء، مع دغدغة عواطف جزء من الشعب الي مزال يؤمن بالمعجزات!".

وأضاف العياري في التدوينة ذاتها " هاني نائب منتخب، رئيس الحكومة و وزير الخارجية ياخذو الثقة من عندي و نراقبهم و نراقب خدمتهم، كل ما نقابل مسؤول أجنبي، نبعث للخارجية نعلمهم قبل و بعد اللقاء نبعثلهم تقرير! السيدة المديرة العامة، دخلتها فركة و عود حطب! كانت تعلم أنها لن تبقى طويلا، فخدمت نفسها بالشركة لا العكس!"

وتابع "نعم ألفة، كنت بش تفشل في كل الحالات، لكن كان بإمكانك الفشل خير من هكة! و فشلك بهذه الطريقة، ربما ترى فيه فشلك الشخصي، المهم هاك حركت إسمك و دخلت في clivage ينفعك سياسيا، يسهل الإستثمار فيه! لكن غالطة! فشلك يرجع سنوات لتالي برشة نساء و برشة شباب، تاكل في الحجر باش تنجم تفك في بلاصة في هذا العالم القذر! "

في نفس السياق، وجّه العياري انتقادات، للاتحاد العام التونسي للشغل حيث أشار إلى "أنه تحول إلى بيروقراطية ثقيلة مريضة معطوبة، تعطي خيمة للفاسد والباربو والسارق والصباب والكسول إلا من رحم ربي"، مضيفا "أنه أصبح كلمة الحق التي يراد بها الباطل!"

يذكر أن وزارة النقل واللوجستيك، أعلنت في بلاغ لها أمس الا ثنين، عن إعفاء ألفة الحامدي من مهامها كرئيسة مديرة عامة للخطوط التونسية دون الكشف عن أسباب الاقالة.

وكان الأمين العام للإتحاد العام التونسي للشغل، نور الدين الطبوبي، صرح في حوار مع الإذاعة الوطنية أمس، بأنه لا له علم بنية إقالة الحامدي، مبيّنا أنه ليس لديه مشكل شخصي معها.