مع MG رابحين رابحين!
الفكرة متع MG لقات نجاح في مواقع التواصل الاجتماعي وبرشا من الناس تفاعلوا معاها بالكاريكاتور والنكت والفيديوات والتصاور وهدا إلي خلاها تكون حديث التوانسة من بنزرت إلى بن قردان.
الفكرة كانت تتمثل في إعطاء تلفزة بلاش للناس إلي شرات تلافز من 5 إلى 20 جوان و إلي عداو carte de fidélité MG إذا كان المنتخب التونسي ترشح لنهائي كأس إفريقيا للأمم لسنة 2019.
وفي تصريح اذاعي، صرح مدير تسويق ب MG علي عياري، وقال إنو MG » حبت تفرح المواطن التونسي وتوفرلو تلفزة بلاش بش ينجم يتفرج ويشجع منتخب بلادنا، بلادنا الكل، وهكاكة الفرحة فرحتين، فرحة الفوز و فرحة التلفزة البلاش « . وقال زادة » أحنا التوانسة معروفين بالكرم متاعنا واحنا ك MG ماركة تونسية 100% حبينا نخلصو المبروك على التوانسة ونستفايلو بالخير لمنتخبنا الوطني «.
وقال زادة إلي حتى بعد ما خسر المنتخب التونسي ضد نيجيريا ومترشحش للفنال، MG مازالت باش تفرح وتربح حرفائها في كل بلاصة وفي كل وقت.
وبالمناسبة أعلن على زوز مفاجآت: الأولى، بالنسبة للناس إلي شرات تلافاز من 5 إلى 20 جوان وإلي عداو carte de fidélité MG، كل متشري من MG وتتعدى عل كاسة، النقاط متاع قضيتك باش تتضرب في عشرة وتتزاد للكارت متاعها والعرض ساري على طول السنة.
والثانية، كان تونس تخلط المرتبة الثالثة بعد ما تلعب عشية الأربعاء 17 جويلية 2019, إلي بش يشري من MG نهار الخميس 18 جويلية 2019 وعندو carte de fidélité MG، النقاط متاعو باش تتضرب في تلاثة automatiquement.
وفما هدية زادة للناس إلي أبدعت في الكاريكاتور وضحكت العباد معاها. والقرعة تعملت في إذاعة موزاييك en direct للناس المبدعة هذي وإلي يخرج اسمو يربح تلفزة بلاش.
(مقال اشهاري)
