فوزي بن عبد الرحمان : ''الصناعيين متاع الحديد تنظمو في وفاق تجاري غير قانوني باش يشيحو السوق"
''الصناعيين متاع الحديد و اللي هوما 8 شركات فيهم 2 كبار منهم المؤسسة متاع سي مختار تنظمو في كارتيل (وفاق تجاري غير قانوني) باش "يشيحو السوق".
و أضاف فوزي بن عبد الرحمان في التدوينة ذاتها ''و هذا لزوز غايات : أولا الضغط على وزارة التجارة للزيادة في أسعار الحديد (مقدرة ب 12٪) و ثانيا للزيادة في هامش الربح بالأسعار الجديدة''.
و تساءل الوزير الأسبق ''هل الرئيس كان مصيب في العملية؟ نعم. و المسألة اليوم عند القضاء و لكن ثما حاجة هامة و ناقصة : شكون سمح للصناعيين هاذم و غيرهم باش يتنظمو في كارتيلات؟''.
و خاتم عبد الرحمن التدوينة قائلا ''وزارة التجارة و مؤسساتها و منشئاتها بالطبيعة اللي دورها ولى في توزيع الريع من جهة و التحكيم بين اللوبيات من جهة أخرى (الصناعيين و قطاع البناء في الموضوع هذا).
الدولة ما هيش تقوم بدورها التعديلي العلمي و العقلاني و النزيه اللي يلزم تقوم به.
هذه قناعتي بعد ما سمعت الناس الكل. و الرأي صواب يحتمل الخطأ.''
