مستشار الرئيس ' ...أنا متأكّد إلّي إنت هو إلّي إخترت النهار إلّي باش تمشي وتخلّينا فيه ...'

تعبر عن تأثره البالغ بوفاة الرئيس ، قائلا انه كان متأكدا من ان الباجي قايد السبسي هو من اختار يوم رحيله.

وفي ما يلي نص التدوينة : ' سيّد الرئيس.. غدوة مانيش باش نشوفك.. غدوة ماكش باش تجي للبيرو الصباح.. تمنّيت نشوفك آخر مرة غدوة وتجي justeساعة من زمان باش نقرالك شويّة من les hommagesاللّي قاعدين يتكتبوا عليك، تدوينات شخصية متع توانسة ما انتخبوكش، شهادات مؤثّرة، بيانات دول ومنظمات وطنية ودوليّة.. برشه برشه كلام باهي سيّد الرئيس.. والله فوق ما تتصوّر.. أنا اللّي كنت شهر إلتالي نبدى نتغَصْور الصباح ونفركس على مقال إيجابي واحد نجّم نعدّي بيه ال revue de presseمتع الصباح باش ما نكّثرش عليك وفِي كثير من الأحيان باش ما نوجعكش..

سيّد الرئيس أنا متأكّد إلّي إنت هو إلّي إخترت النهار إلّي باش تمشي وتخلّينا فيه.. نهار عيد الجمهورية.. قرّرت ونفّذت وعملت إلّي في مخّك.. كيف العادة.. من غير ما تستشيرنا.. نحترموا قرارك سيّد الرئيس.. لكن الوجيعة كبيرة.. كبيرة برشه سيّد الرئيس.."

يشار الى أن جثمان الرئيس الراحل الباجي قايد السبسي سيوارى غدا السبت الثرى بمقبرة الجلاز بتونس العاصمة في جنازة وطنية بحضور عدد من قادة ورؤساء دول العالم وثلة من الشخصيات الوطنية'.