الأكثر مشاهدة

24 22:24 2024 مارس

شرع المنتخب التونسي لكرة القدم اليوم الأحد في التحضير لمباراة نيوزيلندا

على المباشر

وطنية

ياسين العياري: ''يلزم الدولة اتدبر 700 مليار باش تخلص الشهاري و اللطخة بضعة أسابيع كان طارت''

15 14:53 2021 ماي
ياسين العياري: ''يلزم الدولة اتدبر 700 مليار باش تخلص الشهاري و اللطخة بضعة أسابيع كان طارت''
نشر النائب بمجلس نواب الشعب ياسين العياري اليوم السبت تدوينة على صفحته الرسمية فيسبوك قال فيها إن الدولة التونسية مطالبة بتوفير 700 مليار في ظرف يومين لتأمين أجور الموظفين التي سيتم صرفها يوم 17 ماي الجاري

وأوضح العياري في التدوينة ذاتها أن الحساب الجاري للدولة يتوفر الآن على 960 مليار وأن جرايات الموظفين قيمتها 1660 مليار وهو ما سيدفع الدولة إلى البحث خلال يومين على 700 مليار لتأمين الأجور.
وأوضح ياسين العياري أن الحلول المتاحة أمام الدولة تتمثل في طلب قروض سريعة من البنوك، وإن توفرت السيولة ستكون بفوائد خيالية أقصى ما يمكن أن تقدمه هو تأجيل المشكل ''اللطخة'' إلى بضعة أسابيع.

و فيما يلي نص التدوينة :

صباح الورد، نهاركم طيب.

اليوم، الحساب الجاري متع الدولة فيه 960 مليار.

الشهريات الي بش تتصب نهار 17/05، بعد نهارين، قيمتها 1660 مليار.

يعني في نهارين، يلزم الدولة إتدبر 700 مليار فقط، باش تخلص الشهاري و القباضات مسكرة.

أكيد قروض سريعة من البنوك، كان لقاو سيولة، بفوائد خيالية أقصى ما تنجم تعمله تؤجل المشكل، اللطخة، بضعة أسابيع كان طارت.

المعهد الوطني للإحصاء : نسبة النمو للثلاثي الأول لسنة 2021 : -3%

قانون المالية بني على فرضية نمو ب4%

سعر برميل البترول اليوم 68.84 دولار

قانون المالية بني بفرضية 45 دولار للبرميل

البطالة وصلت 17,8%

الوفد الحكومي لم يقدم للنواب و لا للرأي العام نتائج زيارة واشنطن و أعتقد أنها لو كانت إيجابية ما كانوش بش يغطيو.

زيدو تعاركو في تفسير رسالة الغفران، زيدوا إنتقموا من الدولة و في بالكم تنتقموا من الحكومة، زيدوا أنقبوا عينين بعضكم، زيدوا صفقوا للتهريج و الشعبوية خاطره ضد فلان أو ضد فلتان، بردولكم على قلوبكم؟ شختوا كيفاش عبير عطلت المجلس و سامية عطلت مكتب المجلس و النهضة و باراشوكهم فضحوا فلان و ضحكوا على فلتان و الرئيس عطل الحكومة و الحكومة عطلت العباد؟

هاي طارت الشيخة و حضرت المداينية.

هي سفينة واحدة، الكلنا فيها، كل نقبة تنقبها شماتة في غيرك، تدخل الماء ليك إنت زادة.

هذا ما يحدث حين نستثمر في الكره و الشماتة و الشعبوية و التهريج.

الشعب الي تحركه الشماتة، مصيره هذا!

الشعب و السياسيين الي ما يفرقوش بين الحكومة و الدولة، بين الأشخاص و المؤسسات، الي ينتخبو عباد باش تهرسللهم توانسة أخرين موش باش تبني معاهم، هذا مصيرهم.

الشعب الي يصفق لخرق الدستور، الي في عوض يعاقب نوابه المهرجين يصفقلهم، هذا مصيره.

الوضعية صعبة جدا، أكثر مما تتخيلون، لكن مزال بعض الأمل، مزال الإنقاذ ممكنا : إنقصوا من الدروشة، الناس الكل تحترم الدستور و القانون بلا ريق بلا عسول، حالة طوارئ قانونية لتغيير كامل الترسانة، الكل! لتغيير وجه البلد، لفتح الإقتصاد و إصلاح المؤسسات الكل و بيع الزايد و حطان النقابات في بلاصتها و الutica في بلاصتها و الرقمنة القسرية.. سنكون في وضعية إتلاف الثلث لإصلاح الثلثين.

الكل سنتألم و سندفع و سنخسر، من إستفاد أكثر سيدفع أكثر، لا خطوط حمراء و تهناو، حتى كان تسخايب روحك خبيث و تعرف تعوم، البحر غارق و موجه متلاطم! لو غرقت السفينة، سنغرق كلنا.

كان بالحق تحب بلادك و أرض جدادك، الآن وقت الملحمة، الآن يمكنك إثبات ذلك.

الوضع صعب جدا، لكن الإنقاذ ممكن اليوم، مزال ثمة أمل، أما راو كل يوم نزيدو فيه الفوضى و عقلية شماتة في هاضوكم و الهروب للأمام و تطفية الضو، ينقص الأمل و يغلى سوم الإصلاح.

كان علينا أحنا أمل و عمل، عطيتونا نائب واحد خاطر لا فلمنا لا كذبنا و قلنالكم نخدموا مع التوانسة الكل في ما ينفع الناس و رغم ذلك، من ديسمبر الي فات قدمنا حلول و تصور كامل مدروس للخروج من الأزمة و فتح الإقتصاد و دعم المؤسسات الصغرى و التوسطة و عدالة جبائية و البايبال و البيتكوين و القنب و FCR، ما تلهى بينا حد! ما سمعنا حد!

الوحيدين الي عملوا زوز مقترحات جدية للخروج من الأزمة..هوما أحنا! لكن هاكم شفتوا : شكون قلك يحبوا يخرجوا من الأزمة؟ يستثمروا في الأزمة و كي سيدي كي جواده! الأزمة فرصة لضرب خصم فيربحوا هوما و ثمن الأزمة يدفعوه التوانسة فعلاش تحبهم يلوجوا على حل؟

جرحى حكومة ال44 مليار و الفساد و فتح الحدود بلاش pcr و -20 نمو و رئيسهم و نادية، مشكلتهم يطفيو نارهم و ينحيو الغنوشي مهما كان الثمن.

جماعة سيدهم الشيخ و باراشوكو ما يعنيهمش زادة هذا! أعطيهم كيفاش يشلكوا الرئيس فقط! الباقي؟ موش مشكلتهم.

تونس تيتانيك و رؤسائكم الثلاثة بأحزابهم و زعمائكم و نقاباتكم و غرفكم و كرطالاتكم المهنية و الإقتصادية و الناس الي إخترتوهم و إنتخبتوهم باش يبردولكم على قلوبكم موش خاطر عندهم حلول : الي هذا شاد تركينة و يعزف.

زيدو صفقولهم!

اللهم قد بلغت فأشهد.

كاتب المقال La rédaction

كلمات مفتاح

آخر الأخبار

منذ ساعة

تراجعت ولاية صفاقس من حيث مؤشر التنمية لتصبح في المرتبة 9 على المستوى الوطني، وفق ما أكدته النائب بمجلس نواب الشعب فاطمة المسدي لديوان أف أم خلال مسامرة رمضانية بحضور نواب الجهة بالبرلمان وأعضاء المجالس المحلية وممثلي منظمات المجتمع المدني

منذ ساعة

تقرّر إنهاء مهام الحبيب البلغوثي المُعتمد الأوّل بولاية صفاقس، حسب بلاغ صادر عن وزارة الداخلية

منذ ساعة

لقي 45 شخصا حتفهم، الخميس، في جنوب إفريقيا في حادث سقوط حافلة من جسر على ارتفاع 50 مترا قبل أن تتحطم في قاع واد