عبّو: "مبروك للكناطرية.. إحالة مشروع القانون المتعلق بالإنعاش الاقتصادي لرئيس الجمهورية للختم"
وكتبت عبو "مبروك للكناطرية ومبيضي الاموال ومرتكي جريمة التهرب الضريبي وبياعة المخدرات والسلاح ..., جاتكم الرحمة من هيئة مراقبة دستورية القوانين , أهوكة لا عاد ثمة حرب على الفساد ولا عاد باش يتبعكم حد , لا قانون تبييض الاموال مازال ينطبق عليكم ولا قانون من أين لك هذا ولا الفصل 80 من الدستور ينفع معاكم , بركة ادفع 10بالميا من أموالك المسخة وعيش بأمان في تونستان , عيش انتي براحتك وموش مشكل شبابنا الي دمرتوه واقتصادنا الي خربتوه وميزانيتنا الي أفلسنوها , موش مشكل , انتم الي بيكم الفايدة أما نحن الشكارة والبحر , وأهوكة مرة وحدة القانون فكر حتى في مستقبلكم يعني كان تحب تواصل في نشاطك ,مرحبى وخوذ راحتك , بركة عاود أدفع المكس للخزينة الي نهبتوها ".
يشار إلى أن مجلس نواب الشعب صادق، يوم الاثنين 12 جويلية 2021، على مشروع قانون إنعاش الاقتصاد وتسوية مخالفات الصرف بـ 100 نعم و5 احتفاظ و 7 رفض.
