ظواهر جديدة في صفاقس

ثما زوز ظواهر ماش يوليو تشوفوهم برشة السنوات الجاية في صفاقس:

1/ تراجع شط الشفار و سببها زوز عوامل و هوما انو البحر يقدم بسبب الاحتباس الحراري و نقص تغذية الشفار بالرمل من واد الشفار بسبب السد اللي تعمل فيه و هاكا علاش ماش تلاحظو اللي الديار قربلها الماء و ماش يجي وقت و يدخللها

2/ تواتر ظاهرة تكون الطحالب في شط سيدي منصور على خاطر الدنيا قاعدة تسخن و الاوناس قاعد يطيش في مياه الصرف اللي موش معالجة و اللي فيها مغذيات للطحالب و زيد سيدي منصور  من قبل التيارات فيه ضعيفة و كملوا سكروه من جهة بمشروع تبرورة و من جهة اخرى بالميناء الجديد... سيدي منصور معروف من قبل بنمو الطحلب الاخضر ulva rigida و اللي في عدم وجود الاكسجين يتخمر و هاكا علاش سيعات نشمو روايح خايبة و برشة عباد يقولو سيدي منصور فيه الغرم اللي هو التخمر متاع الطحلب هذا، و اللي زاد الطين بلة هو العباد اللي تبني عالشط